Iltimos, diqqat qiling: bu IELTS (akademik va umumiy modullari) bo'yicha siyosat, siz UKVI imtihonini bekor qilinishi va qaytarilishini qaytarish siyosati bilan shu erda topishingiz mumkin.

IELTS imtihonini bekor qilish

Agar siz belgilangan imtihon kunidan 5 hafta oldin registratsiyani bekor qilib, mablag‘ni qaytarmoqchi bo‘lsangiz, to‘lovning 25 % maʼmuriy jarima sifatida olib qolinadi va qolgan qismi qaytariladi. Pulni qaytarish jarayoni 4 haftadan 6 haftagacha davom etishi mumkin.

Imtihonni bekor qilish uchun quyidagi formani yuklab olib, to‘ldirib, bizga yuboring.

Bank plastik kartasining rasmi yoki nusxasini yuborishingiz kerak emas.

Agar bank kartasi nomzodga tegishli bo‘lmasa, quyidagi hujjatlar qo’shimcha sifatida yuborilishi kerak:

  • Uzcard yoki HUMO karta egasining Passport/ID nusxasi

Agar nomzod imtihonni bekor qilish uchun imtihonga besh haftadan kam qolganda murojaat qilsa, faqatgina nomzod og‘ir kasallik yoki o‘ta jiddiy holatlar nomzodning imtihonda qatnasha olmasligiga sabab bo‘lgandagina mablag‘ qaytariladi.

Shunday holat kuzatilsa, quyidagi hujjatlar yuborilishi talab qilinadi.

  • Mablag‘ni qaytarish uchun arizaga qo‘shimcha hujjatlar ( Kasallik haqida tibbiy dalolatnoma yoki og‘ir vaziyat haqida mutasaddi tashkilotlardan dalolatnoma)

Yuklab olish bo‘limidan hujjat namunalari bilan tanishib chiqishingiz mumkin. Iltimos barcha kerakli hujjat va formalarni skanerdan o‘tkazib, info@britishcouncil.uz  elektron pochtasiga yuboring.

Jiddiy holat/vaziyatlar quyidagicha bo‘lishi mumkin:

  • Jiddiy kasallik (kasalxonada davolanish, jiddiy jarohat yoki kasallik (yengil shamollash kabi holatlar mustasno);
  • Yaqin qarindoshning o‘limi;
  • Jarohat- Jinoyat yoki yo‘l hodisasida jabrlanuvchi bo‘lish;
  • Harbiy xizmat

Kasallik holatida shifokor tomonidan mahalliy yoki ingliz tilida berilgan tibbiy dalolatnomaning asl nusxasi qabul qilinadi. Oila aʼzolari tomonidan yozilgan kasallik haqidagi xatlar qabul qilinmaydi.

Tibbiy dalolatnomada kasallik haqida batafsil maʼlumot bo‘lishi kerak, va bu hujjat bevosita arizaning ko‘rib chiqilib, tasdiqlanishiga asos bo‘ladi.

Yuqorida sanab o‘tilgan boshqa holatlarda sababni isbotlovchi hujjat- ichki ishlar idorasidan dalolatnoma, harbiy xizmatga chaqiruv qog‘ozi yoki o‘lim haqida bayonnoma ilova qilinishi kerak.

Agar kerakli hujjatlar, tibbiy yoki og’ir holatni isbotlovchi dalolatnoma imtihon arafasida 5 ish kuni ichida topshirilsa, mablag‘ning 75 % qaytariladi, 25 % maʼmuriy jarima sifatida olib qolinadi.

Agar hujjatlar imtihondan 5 ish kunidan keyin ham topshirilmasa, nomzod imtihonga kelmagan deb belgilanadi va mablag‘ qaytarilishiga davo qilish mumkin emas.

Imtihon kunini ko'chirish uchun ariza berish tartibi

Agar siz dastlab ro‘yxatdan o‘tgan imtihon sanasini ko‘chirmoqchi bo‘lsangiz, imtihondan 5 hafta oldin murojaat qilib, bepul ko‘chirish huquqiga egasiz.

Joriy imtihon kunidan uzog‘i bilan 3 oy keyingi imtihon sanasini tanlashingiz mumkin. Eng yaqin besh hafta ichidagi sessiyalarga joylar soni cheklangan bo‘lishi mumkin.

Agar imtihondan besh haftadan oldin imtihon sanasini ko‘chirmoqchi bo‘lib, joriy imtihon sanasidan uch oy keyingi imtihon sanalarini tanlamoqchi bo‘lgan nomzodlar registratsiyani bekor qilib, keyinroq qulay bo‘lgan sanaga ro‘yxatdan o‘tishlari mumkin.

Imtihon sanasini ko‘chirish uchun quyidagi formani yuklab olib, to‘ldirib, bizga elektron pochta orqali yuboring.

Yuklab olish bo‘limida hujjat namunalari bilan tanishib chiqishingiz mumkin. Iltimos barcha kerakli hujjat va formalarni skanerdan o‘tkazib, info@britishcouncil.uz elektron pochtasiga yuboring.