Agar Buyuk Britaniyada tan olingan muassasa tomonidan sizga Buyuk Britaniya ta’lim tizimiga muvofiq malaka berilgan bo'lsa, hujjatlaringizni O'zbekiston yoki boshqa mamlakatlarning davlat idoralariga, ta'lim muassasalari yoki ish beruvchilariga topshirishdan avval, ularning asl nusxalarini sertifikatlash, tasdiqlash yoki qonuniylashtirish talab etilishi mumkin.

  • Sertifikatlash bu fotonusxa asl hujjatning haqiqiy nusxasi ekanligini tasdiqlashdir. Sizga, Buyuk Britaniya ta’lim tizimiga muvofiq olgan malakalaringizga oid hujjatlar aslining sertifikatlangan nusxalarini tayyorlab berishimiz mumkin. 
  • Tasdiqlash bu asl hujjatlarning haqiqiy ekanligiga ishonch hosil qilish jarayonidir. O'zbekistondagi Britaniya Kengashi tasdiqlovchi idora sifatida faoliyat ko'rsatishi va Buyuk Britaniyaning ta'lim yoki kasbiy hujjatlarining haqiqiyligini tasdiqlashi mumkin.
  • Qonuniylashtirish bu rasmiy hujjatdagi imzo, muhr yoki shtampning haqiqiyligini rasmiy tasdiqlashdir. Buyuk Britaniya Hamdo`stlik va xalqaro taraqqiyot ishlari bo`yicha tashqi ishlar vazirligi Qonuniylashtirish masalalari bo’yicha boshqarmasi Buyuk Britaniya ta’lim tizimi ostida olgan guvohnoma yoki diplomlarini o'z mamlakatlarida tan olinishini istovchi diplom egalariga apostil muhrlarini taqdim etadigan organ hisoblanadi. Hujjatingizni Hamdo`stlik va xalqaro taraqqiyot ishlari bo`yicha tashqi ishlar vazirligi Qonuniylashtirish masalalari bo’yicha boshqarmasiga yuborishdan oldin, siz avvalo ularning asl nusxasini tasdiqdan o’tkazib olishingiz kerak.

Bizning hujjatlar bo’yicha tadim etadigan har bir xizmat turimiz va ulardan qanday foydalanish mumkinligi to’g’risida ko'proq bilib oling.

Qaysi hujjatlar bo’yicha murojjat eta OLMAYSIZ?

Quyidagi hujjatlar bo’yicha biron bir xizmat turiga murojaat eta olmaysiz. 

  1. Ilmiy daraja to'g'risidagi guvohnoma, diplom / diplomga qo'shimcha
  2. Diplomlar
  3. A-darajalari va O’rta maktabni yakunlagani to’g’risidagi umumiy guvohnomalar 

Iltimos, ariza berishdan avval info@britishcouncil.uz elektron pochtasiga xabar yuboring va agar hujjat yuqorida ko'rsatilgan toifalarga kirmasa, biz orqali uni aniqlashtiring.

Qaysi hujjatlar bo’yicha murojjat eta OLMAYSIZ?

Quyidagi hujjatlar bo’yicha biron bir xizmat turiga murojaat eta olmaysiz.

  • IELTS Test hisobotining shakllari
  • Fotonusxalar
  • Sertifikatlangan fotonusxalar
  • Skaner qilingan tasvirlar

Agar dastur yoki muassasa Buyuk Britaniya ta'lim kengashlari tomonidan tan olinmagan bo'lsa, hujjat biron bir tarzda o'zgartirilgan yoki shikastlangan deb topilgan bo'lsa, yoki ushbu hujjatning asli bilan bog'liq biron savol tug'ilsa, Britaniya Kengashi har qanday hujjatni sertifikatlash yoki tasdiqlashni rad etish huquqini o'zida saqlab qoladi.

Hujjatlarni sertifikatlash

Ushbu xizmatni taqdim etish uchun asl hujjatlaringizni talab qilamiz. Xizmat tugaguncha biz hujjatlarning xavfsizligini ta’minlaymiz va ularni sizga qaytarib beramiz. Biz o'zimizning qaydlarimiz uchun ulardan nusxa saqlab qo'yamiz. Shuningdek, ismingizni, hujjat turini, xizmat ko’rsatish sanasi va qaydimiz uchun zarur bo’lgan  boshqa tegishli  ma'lumotlarni yozib olamiz. Bu ma’lumotlar xavfsiz holda saqlanadi va, agar bizdan qonuniy tarzda talab qilinmasa, boshqa tomonlarga berilmaydi.

Sertifikat to'lovi hujjatlarning 3 nusxasigacha olinadi

16 Buyuk Britaniy Funt Sterlingi O'zbek So'mida to'landi (Britaniya Kengashida narxlarni tekshiring)

To'lov

Bank o'tkazmasi

Bank o'tkazmasi uchun to'lov So'mda amalga oshirilishi kerak. 1-30 Avgust uchun 235,200 so'm.

Bizning bank tafsilotlarimiz quyidagicha:

Bank nomi: KDB Bank Uzbekistan, Yunusobod bo’limi

Hisob raqami: 20296000204844754001

MFO: 00831

Hisob nomi: Britaniya Kengashi Ofisi

INN: 207066588

Ko’proq ma’lumot uchun iltimos biz bilan bog’laning.

Hujjatlaringizni qanday sertifikatlaymiz?

  1. Bizning so'rov shaklimizni o'qing va imzolang hamda hujjatlarning har biri bo’yicha sizga tasdiqlanishi lozim bo’lgan nusxalar sonini ko'rsating, ularni skanerdan o’tkazib, bizga yuboring.
  2. Sertifikatlash uchun to'lovni amalga oshiring (iltimos, narxlarni Britaniya Kengashidan bilib oling) va to’lov tasdiqnomasini skanerdan o’tkazib, bizga yuboring.
  3. Indira.sukhrobjon.komilov@britishcouncil.org elektron pochta manzili bo'yicha Britaniya Kengashi bilan bog'laning va hujjatlarning aslini topshirish uchun tashrif vaqtini belgilab oling. 
  4. Hujjatlaringiz olib ketish uchun tayyor bo'lganida sizga elektron pochta orqali xabarnoma keladi. Odatda bu uch ish kunini tashkil etadi. 
  5. Hujjatlaringizning asl nusxasi va tasdiqlash uchun buyurtma qilingan nusxalarini olishingiz mumkin.

Biz nima qilamiz

Sertifikatsiyalash uchun hujjatlaringizni taqdim etganingizda, biz:

  • Hujjatlaringiz sertifikatlashtirish xizmatiga muvofiqligini tekshiramiz
  • Hujjatlarning aslidan nusxa olamiz va so'ralgan nusxalarga sertifikatlash muhrini bosamiz

Hujjatlarni tasdiqlash

Ushbu xizmatni taqdim etish uchun asl hujjatlaringizni talab qilamiz. Xizmat tugaguncha biz hujjatlarning xavfsizligini ta’minlaymiz va ularni sizga qaytarib beramiz. Shuningdek, hujjatlaringizni nusxalarini ularni taqdim etgan organlarga jismoniy yoki elektron shaklda yuborishimiz kerak bo'ladi. Agar biron-bir firibgarlik aniqlansa, biz batafsil ma'lumotni tegishli qonun muhofazasi organlarga yuboramiz.

Xizmatimiz tugagach, hujjatlarning nusxasini o’z qaydlarimiz uchun saqlab qo’yamiz. Shuningdek, ismingizni, hujjat turini, xizmat ko’rsatish sanasi va qaydimiz uchun zarur bo’lgan boshqa tegishli ma'lumotlarni yozib olamiz. Bu ma’lumotlar xavfsiz holda saqlanadi va, agar bizdan qonuniy tarzda talab qilinmasa, boshqa tomonlarga berilmaydi.

HUJJATLARINGIZ QANDAY TASDIQLANADI?

  1. Siz So'rov shaklimizni o'qib, unga imzo qo'yishingiz kerak. Tasdiqlangan hujjatlaringizni sizning nomingizdan kimdir olib ketadigan bo'lsa, siz So'rov shaklining Vakolat berish bo'limini o'qib, unga ham imzo qo'yishingiz kerak.
  2. Hujjatni, uni taqdim etgan organ tomonidan asli haqiqiyligini aniqlaganimizdan so’nggina, tasdiqlashimiz mumkin. Buning uchun sizdan bizning Uchinchi tomon roziligi shaklini imzolashingiz so’raladi. 
  3. Xizmat haqini to'lang.
  4. sukhrobjon.komilov@britishcouncil.org elektron pochta manzili bo'yicha Britaniya Kengashi bilan bog'laning va hujjatlarning aslini topshirish uchun tashrif vaqtini belgilab oling.
  5. Hujjatlaringiz tayyor bo'lganida, sizga elektron pochta orqali xabarnoma keladi va ularni olib ketishingiz mumkin bo’ladi. Odatda bu 15 ish kunini tashkil etadi. 
  6. Hujjatlaringizning asl nusxasi va tasdiqlash uchun buyurtma qilingan nusxalarini olishingiz mumkin. Jarayonni yakunlash uchun biz hujjatingiz aslining orqasiga tasdiqlash muhrini ham bosamiz. Buning uchun siz Hujjat aslini muhrlashga rozilik berish shaklimizni imzolashingiz kerak.
  7. Tasdiqlangan hujjatlar aslini olish uchun tashrif buyuring.

Ushbu jarayon tugagach, siz TIV Qonuniylashtirish masalalari bo’yicha boshqarmaning internet sahifasiga murojaat etib, hujjatlar qonuniyligini tasdiqlashni istagan taqdiringizda, ularni qanday topshirish mumkinligi to’g’risidagi tafsilotlar bilan tanishishingiz mumkin. 

Tasdiqlash xizmati uchun to’lov 

22 Buyuk Britaniya Funt Sterlinggi, O’zbek So’mida to’lanadi (1-30 Avgust - 323,400 so'm)

BIZ NIMA QILAMIZ

Tasdiqlash uchun hujjatlaringizni taqdim etganingizda, biz:

  • Hujjatlaringizni tasdiqlash xizmatiga muvofiqligini tekshiramiz.
  • Hujjatingizning skanerdan o’tgan nusxasini hujjat taqdim etuvchi organga yuboramiz.
  • Agar hujjat taqdim etuvchi organ hujjatning haqiqiyligini tasdiqlasa, biz hujjatingiz aslining orqasiga tasdiqlash muhrini bosamiz.
  • Agar oliy o’quv yurti o’zining tasdiqlash xizmati uchun qo'shimcha to'lov talab qilsa, siz ular bilan bog'lanishingiz va to'lovni bevosita o'zingiz amalga oshirishingiz kerak bo'ladi.

To’lov 

Bank hisob raqami orqali

Bank hisob raqami orqali to’lov O’zbek So’mida amalga oshirilishi lozim 

Bizning bank tafsilotlarimiz quyidagicha:

Bank nomi: KDB Bank Uzbekistan, Yunusobod bo’limi 

Hisob raqami: 20296000204844754001

MFO: 00831

Hisob nomi: Britaniya Kengashi Ofisi 

INN: 207066588

Share this