2025 yilda biz O‘zbekiston uchun yangi bo‘lgan — Connections Through Culture (CTC) grant dasturini mamnuniyat bilan ishga tushirmoqdamiz. Ushbu tashabbus Buyuk Britaniya va Osiyo-Tinch okeani mintaqasi, Yevropa, shuningdek, endilikda Markaziy Osiyodagi ayrim mamlakatlar o‘rtasidagi ijodiy hamkorlikni qo‘llab-quvvatlaydi.
CTC grantlari san’atkorlar, professional ijodkorlar va madaniy tashkilotlar o‘rtasidagi hamkorlik loyihalarini amalga oshirishga qaratilgan bo‘lib, madaniyatlararo almashinuv va barqaror xalqaro aloqalarni rivojlantirishga xizmat qiladi.
2023–2024 yillarda avvalgi grant dasturimiz doirasida biz 8 ta noyob loyihani qo‘llab-quvvatlash uchun £75,000 mablag‘ ajratdik. Ushbu loyihalarda inklyuziya, madaniy o‘ziga xoslik va iqlim o‘zgarishi kabi mavzular yoritilgan. Ular orasida inklyuziv teatr festivali, musiqa va kino tadbirlari, ijodiy seminarlar bo‘lgan. Grant sovrindorlari haqida batafsil ma’lumotni quyidagi havola orqali olishingiz mumkin.
Grant uchun ariza berish
Grantlarning navbatdagi raundiga arizalar qabul qilish boshlandi. Biz yangi hamkorlik loyihalarini qoʻllab-quvvatlash maqsadida har biri 5000£ yoki 10000£ gacha boʻlgan taxminan 90 ta grant ajratishni rejalashtiryapmiz.
Ariza topshirishdan oldin nomzodlar uchun moʻljallangan barcha maʻlumotlarni oʻqib chiqing va quyida berilgan ariza topshirish qoʻllanmasini yuklab oling.