Birlashgan Qirollik va O’zbekiston o’rtasida teatr sohasidagi sheriklik dasturi bu – teatr san’ati yo’nalishida tahsil olayotgan talabalarni Birlashgan Qirollik mutaxassislari bilan birgalikda teatr sahnalashtirishni tajriba qilishga jalb etishning namunaviy ko’rinishi hisoblanadi. Britaniya Kengashi O’zbekiston Davlat San’at va madaniyat Instituti hamda Rouz Bruford Kolleji bilan birga “Gamlet” asarini sahnalashtirish bo’yicha ishlay boshladi. O’zbekistonlik murabbiy va talabalar Britaniyalik konsultantlar bilan birgalikda: Jon Taker (John Tucker) – “Gamlet” sahna asari rejisyori, Niam Douling (Niamh Dowling) – Rouz Brufford Kollejida Maktab direktori hamda Perttu Lahdesmaki – Rouz Brufford Kolleji Yoritish texnikasi kafedrasi talabasi, akademik o’quv rejasi doirasida sahna asarini qo’yishning butun jarayoni bo’yicha o’tib chiqdilar.
Mazkur dastur Institut va Rouz Bruford Kolleji o’rtasidagi 2015 yildan beri amalga oshirib kelingan sheriklik natijalari asosida ishlab chiqilgan hamda teatr sahna asarini qo’yishda ovoz va harakatlar bilan bog’liq barcha ishlarni umumlashtiradi.
Ushbu loyihaning noyob jihati shundaki, u teatr qo’yishda talab etiladigan barcha bosqichlarni o’zida mujassam etadi, shu jumladan sahnalashtirish ijodiy guruhini tuzish, aktyorlar tanlovi, repetitsiyalar o’tkazish va turlar tashkil etishni ham. Loyihaning boshqa qismida san’atni boshqarish o’quv rejasining bir bo’lagi hisoblanuvchi, san’atni boshqarish modulini ishlab chiqish nazarda tutilgan.
Dastur Birlashgan Qirollik oliy ta’lim sektorining xalqaro sheriklik strategiyasiga va xususan Rouz Bruford Kolleji teatr strategiyasiga muvofiq holda tuzilgan. O’zbekistonda oliy ta’lim yo’nalishidagi hukumat yangi qarorlari mahalliy o’quv yurtlarini xorijiy muassasalar bilan sheriklik aloqalarini o’rnatishni rag’batlantirmoqda va bu qatorda Birlashgan Qirollik asosiy hamkor sifatida ko’rilmoqda.
Sahna asari Rouz Bruford Kollejining Xalqaro teatr simpozium zalida hamda O’zbekistonning Londondagi Elchixonasida namoyish etildi.
Siz ushbu loyiha qanday qilib ishlab chiqilganini, shuningdek “Gamlet” asari qanday qilib O’zbekistonda sahnalashtirilgani haqida videolavha tomosha qilishingiz mumkin.