Binafsha fonda „Connections Through Culture“ yozuvi aks etgan grafik vizual. Unda sahnada chiqish qilayotgan raqqoslar va orqa fondagi musiqachilar fotosuratlari, shuningdek, to‘q sariq teksturalar va dekorativ bloklar kompozitsiyada qo‘llangan.

“Connections Through Culture” (“Madaniyat orqali aloqalar”) (CTC) dasturi Buyuk Britaniya va O‘zbekiston o‘rtasidagi ijodiy hamkorlikni qo‘llab-quvvatlaydi.

CTC dasturi ijodkorlar, madaniyat sohasi mutaxassislari, rassomlar, tashkilotlar, festivallar, biennalelar, madaniyat markazlari va ijodiy birlashmalarni qo‘llab-quvvatlashga mo‘ljallangan. Eng turli mavzu va yo‘nalishlardagi ijodiy loyihalar qo‘llab-quvvatlanadi. Dastur Buyuk Britaniya va ishtirokchi mamlakatlar o‘rtasida muhim hamkorlik aloqalari, madaniyatlararo almashinuv va uzoq muddatli hamkorlikni rivojlantirishga yordam beradi.

Bu yil CTC dasturi kengaytirilib, unga tasviriy san’at sohasidagi “Biennials Connect (Visual Arts)” loyihalarini, shuningdek, arxitektura, dizayn va moda sohalaridagi biennale va festivallarni qo‘llab-quvvatlash ham kiritildi.

Qo‘shimcha ma’lumot uchun ariza topshirish bo‘yicha qo‘llanma va tez-tez beriladigan savollar (FAQ) bo‘limi bilan tanishib chiqing.

Dasturda ishtirok etish uchun ariza topshirish

Arizalar qabuli boshlandi. Ariza topshirishdan avval nomzodlar uchun mo‘ljallangan barcha ma’lumotlar bilan diqqat bilan tanishib chiqing va ariza topshirish bo‘yicha qo‘llanmani (Application Toolkit) yuklab oling.

Hoziroq ariza topshiring

Arizalarni topshirishning oxirgi muddati — 2026-yil 12-avgust, Britaniya yozgi vaqti (BST) bilan 23:59.

  • Arizalar qabuli boshlanishi: 2026-yil 17-iyun
  • Arizalarni topshirishning oxirgi muddati: 2026-yil 12-avgust, BST bo‘yicha 23:59
  • Natijalar haqida xabarnoma: 2026-yil oktyabr oyidan boshlab
  • Onlayn axborot sessiyalari: sanalari keyinroq e’lon qilinadi
  • Loyihalarni amalga oshirish davri: 2026-yil dekabridan 2027-yil dekabrigacha

Loyiha Buyuk Britaniyadan kamida bir hamkor va dasturda ishtirok etuvchi mamlakatdan kamida bir hamkor o‘rtasidagi hamkorlikni ko‘zda tutishi kerak.

Barcha hamkorlar ariza topshirish vaqtida va loyihani amalga oshirishning butun davri mobaynida o‘zlari nomidan ariza berayotgan mamlakatda qonuniy ro‘yxatdan o‘tgan bo‘lishi shart.

Ishtirokchi davlatlar:
Albaniya, Argentina, Avstraliya, Bangladesh, Bosniya va Gersegovina, Kolumbiya, Xitoy, Misr, Indoneziya, Qozog‘iston, Keniya, Kosovo, Livan, Malayziya, Meksika, Chernogoriya, Yangi Zelandiya, Nigeriya, Shimoliy Makedoniya, Pokiston, Falastin, Peru, Filippin, Saudiya Arabistoni, Serbiya, Janubiy Afrika Respublikasi, Tanzaniya, Tailand, Tunis, Turkiya, Birlashgan Arab Amirliklari, Ukraina, O‘zbekiston, Venesuela va Vyetnam.

Ariza topshirish huquqiga ega bo‘lganlar:

  • rassomlar va ijodkorlar;
  • san’at va madaniyat sohasidagi tashkilotlar;
  • festivallar va biennalelar*;
  • madaniyat sohasi mutaxassislari;
  • ijodiy hablar, tarmoqlar va jamoalar;
  • san’at, madaniyat va kreativ sohalar tutashuvida faoliyat yurituvchi tashkilotlar.

*Vizual san’at, arxitektura, dizayn, moda va hunarmandchilik sohalaridagi festival va biennalelar bilan bog‘liq loyihalar uchun arizani alohida rassomlar, dizaynerlar yoki boshqa ishtirokchilar emas, balki festival yoki biennale tashkiloti topshirishi kerak.

Ishtirok etishning to‘liq mezonlari ariza topshirish bo‘yicha qo‘llanmada keltirilgan.

Qo‘llab-quvvatlanadigan faoliyat turlariga quyidagilar kiradi:

  • Birgalikda ijod qilish (co-creation) va ijodiy loyihalarni hamkorlikda rivojlantirish (collaborative artistic development). 
  • Rezidensiyalar va kasbiy almashinuvlar;
  • Mahorat darslari, panel muhokamalari, ma’ruzalar va bilim almashinuvi;
  • Tadqiqot faoliyati va loyihalarni ishlab chiqish;
  • Qo‘shma ko‘rgazmalar, chiqishlar, taqdimotlar va namoyishlar;
  • Festivallar va biennalelar doirasidagi faoliyat;
  • Madaniyat sohasida innovatsion raqamli amaliyotlar;
  • Buyuk Britaniya va ishtirokchi mamlakat hamkorlarining qo‘shma loyihasi doirasida loyihalarni taqdim etish hamda festivallar va biennalelarda ishtirok etish;
  • Kuratorlik almashinuvlari, rassomlar va dizaynerlar ishtiroki;
  • Ommaviy dasturlar va auditoriya bilan ishlash;
  • Rassomlar, dizaynerlar va loyiha ishtirokchilarining kasbiy rivojlanishi;
  • Kasbiy ta’lim va ishbilarmonlik aloqalarini rivojlantirish;
  • Tashkiliy salohiyatni oshirish va tajriba almashish;
  • Fanlararo va janrlararo loyihalar.

* “Hamkorlik” atamasining bizdagi ta’rifiga oid batafsilroq tushuntirish uchun Ko‘p beriladigan savollar (FAQ) sahifasiga qarang.

Loyihalar keng ko‘lamli mavzular va san’at yo‘nalishlarini qamrab olishi mumkin, jumladan: tasviriy san’at, arxitektura, dizayn, moda va hunarmandchilik, musiqa, adabiyot, teatr va raqs, kino; ijodiy texnologiyalar, jumladan raqamli san’at, XR/immersiv amaliyotlar va o‘yin loyihalari. 

Miqdori  Buyuk Britaniya va quyidagi davlatlar o‘rtasidagi loyihalar uchun: 
15 000 funt sterlinggacha Argentina, Bangladesh, Kolumbiya, Pokiston, Peru, Saudiya Arabistoni. 
10 000 funt sterlinggacha Albaniya, Bosniya va Gersegovina, materik Xitoy, Indoneziya, Qozog‘iston, Kosovo, Livan, Malayziya, Chernogoriya, Nigeriya, Shimoliy Makedoniya, Falastin, Filippin, Serbiya, Tailand, Tunis, Turkiya, Birlashgan Arab Amirliklari, Ukraina, O‘zbekiston, Venesuela, Vetnam. 
9 000 funt sterlinggacha Misr 
8 000 funt sterlinggacha Meksika 
7 500 funt sterlinggacha Keniya 
6 500 funt sterlinggacha Janubiy Afrika 
5 000 funt sterlinggacha Avstraliya, Yangi Zelandiya, Tanzaniya. 

Ushbu sessiyalarda siz san’at bo‘yicha global menejerlar jamoamiz bilan suhbatlashishingiz va muvaffaqiyatli ariza topshirish haqida batafsil ma’lumot olishingiz mumkin.

Quyida ko‘rsatilgan barcha vaqtlar Buyuk Britaniya yozgi vaqti (BST) bilan berilgan.

Dunyo bo‘ylab ishtirokchi mamlakatlarda joylashgan arizachilar uchun axborot sessiyalari

  • Seshanba, 30-iyun, 08:00–09:30 (BST) – Britaniya imo-ishora tili (BSL) tarjimasi mavjud
  • Seshanba, 30-iyun, 15:00–16:30 (BST) Vizual san’at, arxitektura, dizayn, moda hamda hunarmandchilik sohasidagi festival va biennale arizachilari uchun global axborot sessiyasi.
  • Chorshanba, 1-iyul, 10:00–11:30 (BST) Raqamli san’at, XR/immersiv texnologiyalar va o‘yinlar kabi kreativ texnologiyalar sohasidagi loyihalar uchun global axborot sessiyasi. Shuningdek, vizual san’at, arxitektura, dizayn, moda hamda hunarmandchilik sohasidagi festival va biennale arizachilari uchun.
  • Chorshanba, 1-iyul, 15:00–16:30 (BST) Raqamli san’at, XR/immersiv texnologiyalar va o‘yinlar kabi kreativ texnologiyalar sohasidagi loyihalar uchun global axborot sessiyasi. Shuningdek, vizual san’at, arxitektura, dizayn, moda hamda hunarmandchilik sohasidagi festival va biennale arizachilari uchun.

Hamma sessiyalar uchun ro‘yxatdan o‘tish havolasi

Ushbu qisqa videoda san’at bo‘yicha menejerlarimiz qo‘shimcha ma’lumot beradi va ariza topshirish jarayonini tushuntiradi.

Videoni tomosha qiling

Ariza topshirishni boshlashdan avval, global “Arts” veb-saytimizdagi Ariza topshirish bo‘yicha qo‘llanma (“Application Guidance Toolkit”) va Ko‘p beriladigan savollar (FAQ) bo‘limining to‘liq matni bilan tanishib chiqing.

Ishtirok etish shartlari, sun’iy intellekt vositalaridan foydalanish, plagiat, intellektual mulk va tasdiqlangan loyihalarga o‘zgartirish kiritish haqida to‘liq ma’lumot olish uchun Ko‘p beriladigan savollar bo‘limini ko‘rib chiqing.

FAQs sahifasi Ko‘p beriladigan savollar sahifasi bilan tanishing

Global Arts veb-saytining bosh sahifasi Ariza topshiring

Barcha savollaringiz bo‘yicha biz bilan bog‘lanish uchun, iltimos, ushbu shakldan foydalaning:

Biz bilan bog‘laning

Share this