Creative Central Asia Network

2021 yilda turli mamlakatlarning KMO (Kreativ Markaziy Osiyo) a'zolari birlashib, Markaziy Osiyoda kreativ va madaniy rahbarlar tarmog'ini - Creative Central Asia Networks ni ochishga qaror qildilar. Uning vazifasi Markaziy Osiyoda kreativ industriyani rivojlantirishga hissa qo'shish, hamda Markaziy Osiyo mamlakatlarining har birida kreativ tadbirkorlarning sanoat birlashmalari uchun asos yaratishdan iboratdir.

Mulkchilikning turli shakllari va huquqiy maqomidan qat'i nazar, a'zolik mezonlariga javob beradigan va "Welcome to CCAN!" saytida ro'yxatdan o'tish formasini to'ldirgan barcha shaxslar va tashkilotlar KMOT ga a'zo bo'lishlari mumkin.

Markaziy Osiyo mamlakatlaridan kelgan Creative Central Asia 2021 Boshqaruv qo'mitasining a'zolari va ushbu Kengashdagi Britaniya Kengashining vakillari KMOT kengashi tashkil etilayotgan paytda avtomatik ravishda qabul qilinadi.

Mintaqaviy KMOT Markaziy Osiyo mamlakatlarining har birida mahalliy uyushmalarni yaratish uchun ishlatilishi mumkin bo'lgan mintaqaviy darajadagi tovar, huquqiy tuzilma va standartlar, nazorat ro'yxatlari, protseduralar, biznes jarayonlarini yaratash bilan shug'ullanadi. Mahalliy uyushmalarning huquqiy tuzilishi, moliyalashtirish manbalari va hajmi mahalliy tashkilotchilar tomonidan tanlanadi. KMOT bilan hamkorlik tashkilotning logotipi va boshqa ramzlardan foydalanish, uning vazifasi va tamoyillariga rioya qilish orqali e'lon qilinadi.

KMOT tashkilotining keying yil uchun rejasi:

  • mamlakatlarda mahalliy uyushmalar tashkil etish;
  • Markaziy Osiyodagi kreativ tadbirkorlik bo'yicha ma'lumotlar bazasini yaratish;
  • kreativ sohalar uchun ta'lim resurslari ma'lumotlar bazasini yaratish;
  • kreativ industriyani rivojlantirish bo'yicha yo'l xaritasini ishlab chiqish va uni mahalliy uyushmalar yordamida har bir mamlakat sharoitlariga moslashtirish.
  • Tanlov

KMOT Markaziy Osiyodagi barcha besh mamlakat uchun uchta tanlov e'lon qildi. Tanlov natijalari onlayn tadbirlar davomida taqdim etiladi. Bizga Qozog'iston, O'zbekiston, Qirg'iziston va Tojikistondan 27 ta murojaat kelib tushdi. Tanlov natijalari KMOT ijtimoiy tarmoqlarida e'lon qilindi.

Markaziy Osiyodagi kreativ va madaniy tadbirkorlarning ma'lumotlar bazasi

Maqsad: kreativ tadbirkorlik bo'yicha eng keng ma'lumotlar bazasini (DB) tuzish va tadqiqot natijalari haqida umumiy ma'lumot berish (metodologiya tavsifi, manbalar, har bir mamlakatda sektor bo'yicha kompaniyalar soni, mamlakatlarni taqqoslash va hokazo) va mart oyidagi onlayn forum davomida dastlabki natijalarini taqdim etish.

Mamlakatlar: Qozog'iston, Qirg'iziston, Tojikiston, Turkmaniston, O'zbekiston (har bir mamlakatdan ma'lumotlar bazasidagi kompaniyalar umumiy sonining kamida 8%)

Kreativ industriya sohalari (har bir sektor kompaniyalari ma'lumotlar bazasidagi kompaniyalar umumiy sonining kamida 4 % ini tashkil etishi lozim):

  • Moda, dizayn va hunarmandchilik
  • Kino va animatsiya, virtual va takomillashtirilgan interfaol reallikni yaratish
  • Musiqa
  • Teatr va raqs
  • Nashriyot va adabiyot
  • Zamonaviy san'at
  • Arxitektura
  • Televideniye, radio, yangi OAV va raqamli madaniyat
  • Kompyuter o'yinlari va kibersport turlari
  • Dasturiy ta'minot sanoatini shakllantirish
  • Ko'ngilochar industriyasi
  • Shou va tadbirlar
  • Reklama

Kreativ sohalar bo'yicha ta'limning onlayn resurslari ma'lumotlar bazasi

Maqsad: rus, ingliz yoki Markaziy Osiyo tillarida (har bir til ma'lumotlar bazasidagi umumiy resurslar sonining 45% dan ko'p bo'lmagan) mavjud kreativ korxonalar uchun onlayn resurslarining keng ko'lamli ma'lumotlar bazasini yaratish.

Ta'lim resurslari - yuqori daromad, tovarlar yoki xizmat turlarining sifatini oshishiga, ishlab chiqarish xarajatlarining pasayishiga xizmat qiladigan, hamda kreativ tadbirkorlik ko'nikmalarini yoki kasbiy bilimlarini oshirish maqsadida foydalanish mumkin bo'lgan (video, matn va boshqa turli formalardagi) o'quv kurslariga aytiladi.

Kreativ industriya sohalari (har bir sektor uchun ixtisoslashtirilgan o'quv kurslari ma'lumotlar bazasining kamida 1 % ini tashkil etishi lozim).

Markaziy Osiyodagi mavjud kreativ industriyasi muvaffaqiyat biznes keyslarini o'rganish

Maqsad: Covid-19 pandemiyasi tufayli iqtisodiy tangliklarga moslashib, natijada daromadlarini ko'paytirgan kreativ kompaniyalarning kamida 10 ta misolini topgandan so'ng taqdimotlarini ommaviy axborot vositalarida namoyish etish.

Markaziy Osiyo bo'yicha Kreativ Industriya yo'l xaritasi

Maqsad – turli mamlakatlardan madaniy va kreativ rahbarlari guruhini bir joyga eg'ish, hamda Markaziy Osiyoda kreativ industriyani rivojlantirish bo'yicha yo'l xaritasini yaratishdan iboratdir.

Yo'l xaritasi 30 mart kuni taqdim etiladi.

Share this